Носот (nasus) е составен од надворешен нос и носна празнина.
Надворешниот нос започнува со корен од челото и меѓу очите , а надолу завршува со носен врв. Од двете страни на долниот дел на гребенот се наоѓаат носни крилца, а на базата тие ограничуваат два отвори или носници.
Носната празнина со помош на носна преграда е поделена на два дела. Тие се протегаат од носниците до задните отвори ја поврзуваат носната празнина со голтникот. Во носната празнина има три носни школки делејќи ја на три носни ходници : горен, среден и долен. Внатрешноста на носната празнина е покриена со лигавица богата со крвни садови и жлезди .Горниот дел е мирисен дел каде што завршуваатнервните влакна на мирисниот дел. Другиот дел од лигавицата е дишен предел.