Загубата на слухот го менува нашиот секојдневен живот. Дури и едноставните разговори можат да бидат заморни за луѓето со оштетен слух. Според општествената и економската важност оштетувањето на слухот е водечки хендикеп. Со губење на слухот се повеќе се соочува помладата генерација поради зголемената бучава во околината (сообраќај, индустрија, гласна музика). Бучавата е агенс на кој човекот е изложен од самото раѓање. Таа претставува една од водечките причини за оштетен слух а може да се дефинира и како непосакуван звук. Наглувост е чест проблем поради кој пациентите се јавуваат на лекар, т.е кај ОРЛ специјалист. Оштетувањето на слухот може да биде наследно (хередитарен тип) или стекнат во текот на животот (аквириран тип).
Поделбата на слухот се врши според степенот на губиток на слухот:
– Нормален слух – 0-19 dB
-Благо оштетување – 20-40 dB. пациентите неможат да го слушнат шепотот, но нормалниот разговор можат да го слушнат
-Умерено оштетување – 40-59 dB. пациентите неможат добро да го слушнат нормалниот говор, но викањето добро го слушаат
-Тешко оштетување – 60-89 dB. пациентите неможат да го слушнат ни викањето
-Многу тешко оштетување – 80-90dB. Ова е границата со практичната глувост. Многу често овие пациенти стануваат глувонеми, поради не употреба на слушен апарат
-Практична глувост – оштетување над 90dB. Кај ова оштетување ни најјакиот слушен апарат неможе да даде резултати.
Причини: Генетски причини, некои болести ( сипаници, менингитис, заушки, HIV, кламидија, отосклероза), антибиотици, изложеност на хемиски материи, повреда на самото уво, на главата, хиперкоагулабилност на крвта, тромбо-емболии итн.
МЕРЕЊЕ НА СЛУХ
Секој човек кој се грижи за своето здравје, треба барем еднаш годишно да изврши мерење на слухот – аудиометрија.
Методата на мерење на слухот е комфорна и безболна. Врз основа на мерењето се одредува колкав е степенот на глувост. Луѓето со оштетен слух који не носат слушен апарат склони се кон повлекување, изолација , депресија. Квалитетот на животот опаѓа поради невозможноста да комуникација со околината.
Кога личноста ќе почне да носи слушен апарат, тој повторно учи како да ги препознава и разликува звуците. Конечно се вратил од светот на тишината во нормалниот бучен свет во кој живееме.
Мотивирањето за користење на слушен апарат има корисен ефект врз квалитетот на животот на луѓето со оштетен слух.
